Dongeng si Ucup

Di hiji lembur aya hiji budak nu katelah si ucup, eta budak teh pinter turta loba akal, tapi hanjakal bangorna teu katulungan kabeh ge pada apaleun salembur eta mah ku bangorna si ucup teh.

Dina hiji poe si ucup ngirim surat ka sakola cenah manehna moal bisa sakola sabab aya anu banget penting pisan cenah, indungna nanyakeun ka si ucup..

Indungna "Ucup ari maneh kunaon teu sakola?"

si Ucup "Hoream ma.. disakola ge ngan ukur nundutan"

Indungna "Har naha... emangna di ajar naon kitu cup?" ceuk indungna heraneun

Si Ucup "Har ari ema... Nya di ajar sere atuh ma.., maeunya diajar renang bari
nundutan atuh ti lelep meren ma..." tembal si ucup bari kaluar

Indungna garo-garo teu ateul ngedenge jawaban ti si Ucup kitu teh, "ari maneh rek kamana ayeuna?", ceuk indungna "rek ulin ma.." tembal si ucup.

"Nya geus atuh mening milu ka ema ka Pasar" ceuk indungna deui "nya hayu we atuh ma.." tembal si ucup"

Kacaritakeun dua nana arindit ka pasar, sawaktu di pasar indungna ningali wali kelas si ucup keur balanja, nya indungna ngomong ka si ucup

Indungna "ucup tuh aya wali kelas maneh keur balanja" ceuk indungna

si Ucup "aduh Kumaha nya ma....?" tembal si ucup

Indungna "nya engges atuh maneh nyumput hela.., pan tadi ngirim surat teu sakola"

Si Ucup "Har nya ema atuh anu kudu nymput mah" ceuk si ucup.

Indungna "Naha ema anu Kudu nyumput teh Lain maneh...?" ceuk indungna heraneun.

Si Ucup "Nya tadi da dina eusi suratna Ucup bebeja yen ema maot..." ceuk si ucup
teu kireum-kirem.

Indung na molotot bari nyarita "dasar maneh mah bangkar warah ninitah Indung supaya paeh, padahal aing teh hayang Keneh boga salaki.., geus lila teuing aing teh rarandaan".

Si Ucup ngan saukur ngabelehem bari ngaleos ngajauhan indungna bari rek nyumput supaya teu kapanggih ku wali kelasna...

Caag hela nyaa...

Wasalam ti ABah Udin...

Read more »

Asal-Usul Ngaran Roko

Ari roko teh kabeh ge geus pada apal, ngan anu can pada arapaleun teh asal usul eta roko, tah ayeunamah urang jujut gera eta roko teh asal mulana.

Mimitina eta roko teh kapanggina ku aki-aki anu mawa ulin incuna ka tempat panyimpenan uyah, nyak ceuk legegnamah "GUDANG GARAM" anu aya di "KUDUS" (tempo geura gambar anu aya dina roko WISMILAK) tah eta aki-aki anu mawa ulin incuna teh.

Urang teruskeun deui caritana,eta budak anu keur dibawa ulin ku akina teh ngadekeutan hiji tangkal anu kacida alusna jeung dauna baradag, terus eta daun teh di tojosan ku eta budak make "DJARUM" anu geus loba taihiyangan atawa geus rada coklat, akina ningali polah incuna kitu teh panasaran terus ngadekeuatan bari nanyakeun

akina "tangkal naon eta teh jang? mani alus kitu jeung dauna baradag"

incuna "duka tangkal naon ieu teh ki abdi ge karek ninggal tangkal kieu teh"

akina "nya ari teu apal mah ngaranan we atuh ku ngaran maneh, da maneh anu mimiti
manggihan eta tangkal teh"

incuna "ma enya ki ieu tangkal dingaranan BAKO"

akina "nya keun bae atuh da ngaran maneh teh BAKO lain Udin"

Nya ti harita eta tangkal teh katelah nepi ka ayeuna ngarana tangkal BAKO, kitu tah mimitina. Urang Teruskeun deui caritana nya...

Kusabab resep kana eta tangkal, nya rencana rek dibawa ka kota lamun ku basa ayeunamah kota teh ceuk legegna "COUNTRY". nya carita singkatnamah eta tangkal teh di ala ngan si aki bingungeun kana naon mawana, keur kitu kabeneran aya delman ngaliwat, lamun ceuk urang sunda mah delman teh "KERETEK" nya digoroan eta tukang keretek teh, sangges babadamian eta tukang keretek teh daekeun mawa tangkal bako ka kota.

Tapi waktu eta tangkal rek di taekeun kana keretek karasa berat pisan nya ahirna di angkat babareungan bari ngagorowok "DJI SAM SOE", anu ahirna eta tangkal teh geus kataekeun kana eta keretek terus ceuk si aki nyarita "wah ieumah BENTOEL-BENTOEL "SAMPOERNA", geus hayu ayeuna mah urang berangkat" ceuk si aki katukang keretek bari nuntun incuna, tapi tukang keretek nyarita "ki kuring teu sanggup lamun mawa ieu tangkal bari euweuh anu ngawalmah da ieu teh barang anu cukup berharga atuh" ceuk tukang keretek ka si aki.

Si aki rada ngahuleung nya manehna inget ka babaturannana anu ngabogaan anjing rek dipenta tulung supaya daekeun ngawal, nya kacaritakeun ahirna babaturan si aki teh daekeun ngawal bari mawa piaraan nana anu katelah "CIGARILOSS", manehna oge teu leumpang tapi mawa kuda tempo geura potona aya dina roko "MARLBORO" sabab sawaktu ngawal keretek manehna ngaliwat ka daerah Malioboro kabeneran aya wartawan nya manehna dipoto heula.

Singkat carita geus tarepi we rombongan si aki teh mawa tangkal bako ka kota, masyarakat kota banget kacida heraneun ningali tangkal anu sakitu hadena bari cing garendeng jeung babaturanna "wah ieumah tangkal teh bener-bener "SAJATI", hade turta tangkal jeung daunna teh bener-bener "SAMPEORNA" HEJO na teh, terus eta masyarakat teh sapakat rek ngayakeun upacara sambutan ka si aki ku tari-tarian, nya manggil tukang tari anu kasohor nya eta "SRI WEDARI"

Saterusna eta tangkal teh di garotong ku sarerea di bawa ka imah si aki, terus eta tangkal teh di pelakeun, aya sababaraha daun anu murag terus ku masyarakat teh di kumpulkeun, sanggeus rada garing eta daun teh di lalinting dijieun roko, kabeh hayang ngasaan nepi keun di eta ruangan teh mulek kacida ku haseup roko, si aki ngagorowok "wess mulek...., wes mulek...., wes mulek....." cenah ceuk si aki, tapi kadengeun kunu sejenmah "WISSMILAK..,WISMILAK..." cenah nepikeun ka sapakat eta roko teh dingaranan "WISMILAK" turta gambarna oge make poto si aki jeung incuna tea.

Caag aah urang cekap keun heula nya....

wassalam ti Abah Udhin

Read more »